Oqýshy órt kezinde 4 jastaǵy balany aman alyp qaldy

Oblys ortalyǵy irgesindegi №33 orta mektepte elimizdiń Tótenshe jaǵdaılar komıtetiniń vedomstvolyq sheshimimen 7-synyp oqýshysy Zeınep Qabylbekti marapattaý saltanatty jıyny ótti. Oǵan mektep oqýshylary, ata-analar, ustazdar, departament qyzmetkerleri qatysty. Aýyl kósheleriniń birindegi úıde órt bolǵan. Sonda №33 orta mekteptiń oqýshysy Zeınep oqıǵany órt sóndirý bólimine habarlaıdy. Al, ózi órtenip jatqan úıge júgirip, ondaǵy tórt jasar balany alyp shyǵady. Jedel kelip jetken apattyq jaǵdaıdaǵy shuǵyl kómek medısına ortalyǵynyń brıgadasy órtten aman qalǵan balany oblystyq balalar aýrýhanasyna alyp ketedi. Mamandar Zeıneptiń sút berip, balany jýyndyryp jedel kómek bergeniniń arqasynda búldirshinniń tútinnen ýlaný saldaryn tómendetýge kómekteskenin aıtady. Astanadan kelip jetken mınıstrliktiń tapsyrmasy boıynsha Zeınepke Alǵys hat pen baǵaly syılyqty jergilikti qalalyq tótenshe jaǵdaılar bóliminiń bastyǵy M.Romanevıch tapsyrdy. – Zeınep jasaǵan áreket bizdiń eli­mizdegi barlyq oqýshylar úshin úlgi etý­ge laıyq batyldyq pen ójettik, – dedi Mıhaıl Nıkolaevıch. – Jáne de, tóten­she jaǵdaılar qyzmetkerleriniń, ma­mandardyń ótkizgen qaýipsizdik sabaq­ta­rynyń qajet ekenine kózimiz jetti. Al, №33 orta mektep ujymy us­tazdary, oqýshylary Zeınep Qabyl­bektiń ójettigindeı osy mekteptiń árbir oqýshysy da osylaı bir sáttik kózsiz erlik jasaýǵa daıyn tura alatyndaryna senimdi. Farıda BYQAI, «Egemen Qazaqstan. Pavlodar.